افغانستان نيوز۲۴: د حج، ارشاد او اوقافو وزارت وایي، چې د حج مناسکو تر بشپړېدو وروسته به، نن (چهارشنبه، غبرګولي ۲۱مه) له مکې مکرمې د افغان حاجیانو د بېرته راتګ لړۍ پیل او لومړنۍ الوتنه به هم د سعودي عربستان له جدې ښار کابل ته ترسره شي.
دغه وزارت په یوه خبرپاڼه کې زیاته کړې، چې افغان حاجیان د طواف الوداع تر ادا کولو وروسته، له مکې مکرمې جدې ښار ته لېږدول کېږي او له هغه ځایه به د چمتو شوي پلان له مخې، هېواد ته را ولېږدول شي.
د ویلو ده، چې سږ کال د حج فریضې ادا کولو په موخه ۳۰ زره افغان حاجیان مدینې منورې ته تللي وو.
