افغانستان نیوز۲۴: په افغانستان، په ځانګړي ډول په سمنگان ولایت کې، پرلهپسې وچکالیو د کرنیزو حاصلاتو پراخې ویجاړۍ رامنځته کړې او د کلیوالو کورنیو معیشت یې له جدي ګواښ سره مخ کړی دی.
د ملګرو ملتونو د خوړو او کرنې اداره (FAO) ویلي چې له زیانمنو شویو کروندګرو سره حیاتي مرستې روانې دي؛ خو ټینګار کوي چې د دغو مرستو د پراخولو او د راتلونکو احتمالي بحرانونو د مخنیوي لپاره لا زیاتو مالي منابعو ته اړتیا ده.
یاد نړیوال سازمان له نړیوالې ټولنې غوښتنه کړې چې د افغانستان د کرنې له سکتور سره خپله مرسته زیاته کړي، تر څو اغېزمنې کورنۍ وکولای شي له دې سخت پړاو څخه ځان وباسي.
