افغانستان نيوز۲۴: په ملګرو ملتونو کې د افغانستان استازي نصیر احمد فایق نن په ملګرو ملتونو کې د افغانستان په اړه ځانګړې جوړې شوې غونډې ته وويل چې هېواد د طالبانو له واکمنۍ وروسته په ټولو برخو کې شاته پاتې دی. هغه د ملګرو ملتونو له سرمنشي وغوښتل، چې د افغانستان لپاره یو استازی وټاکي څو د ټولو خواوو ترمنځ د خبرو پروسه اسانه کړي.
په ملګرو ملتونو کې د افغانستان استازي وویل: «موږ یو حساب ورکوونکي حکومت ته اړتیا لرو چې د ښځو په ګډون د ټولو افغانانو هیلې منعکس کړي.»
هغه همدا ډول يادونه وکړه، چې طالبان په هیڅ ډول د افغانستان د خلکو استازیتوب نه کوي.
هغه وویل چې سرمنشي باید د افغانستان لپاره یو استازی وټاکي څو په هېواد کې د ټولو خواوو ترمنځ د خبرو اترو پروسه اسانه کړي.
ناصر احمد فایق وویل« چې طالبانو د افغانانو مشروع غوښتنې رد کړې دي.»
هغې دا هم وویل، چې په افغانستان کې تبعیض په بنسټیز ډول رامینځته شوی او امربالمعروف وزارت له خوا جوړ شوی قانون د پوهنتونونو تړلو او په ادارو کې د ښځو د کار کولو څخه منع کولو قوانین یې څرګندې بیلګې دي.
فایق له ګاونډیو هېوادونو څخه د افغانانو جبري شړلو ته هم اشاره وکړه او له ایران او پاکستان څخه یې وغوښتل چې دې مسالې ته پاملرنه وکړي.
