افغانستان نیوز۲۴: د نورستان ولایت د مرستیال والي، فیصل مختار سره د ملي پارک تر عنوان لاندې د جوړېدونکې مشاعرې د کمېټې غړو لیدنه وکړه.
دا ناسته د ملي راډیو تلویزیون آمر محمد اسلم باداريوال او د اطلاعاتو او فرهنګ ریاست د اطلاعاتو آمر فضلالحق خالقیار د کمېټې په استازیتوب ګډون کړی و.
ټاکل شوې ده دا دودیزه مشاعره سبا یکشنبه د ماسپښین له دوو بجو څخه د ملي پارک په سیمه کې ترسره کیږي.
د دې مشاعرې هدف د ادبي او فرهنګي ارزښتونو ژوندي ساتل، د شاعرانو تر منځ پیوستون او د ژبې و ادب خدمت بلل شوی.
د کمېټې د غړو په وینا، د مشاعرې لپاره ځای ټاکل شوی، خو د مالي امکاناتو، تنظیم او ترتیب په برخو کې د ولایتي ادارې همکارۍ ته اړتیا ده.
