افغانستان نیوز۲۴: د پاکستان د بشري حقونو خپلواک کمېسیون (HRC ) په خیبر پښتونخوا او بلوچستان کې د امنیتي وضعیت د خرابېدو په اړه ژوره اندېښنه څرګنده کړې ده او له حکومته یې غوښتي چې له لفظي غندنو او بیانونو وړاندې عملي او اغېزمن اقدامات ترسره کړي.
دغه کمېسیون ویلي، د دواړو صوبو په بېلابېلو سیمو کې د امنیتي پېښو زیاتوالی د عامو خلکو ژوند، عامه ځایونه او ټولنیز ثبات له جدي ګواښ سره مخ کړی دی.
HRCP ټینګار کړی چې حکومت باید د وضعیت د کنټرول لپاره داسې ګامونه پورته کړي چې د خلکو د خوندیتوب او د قانون د حاکمیت د پیاوړتیا ضمانت ورکړي.
یاد کمېسیون زیاته کړې چې یوازې اعلامیې او رسمي څرګندونې د روانې ناامنۍ د مخنیوي لپاره کافي نه دي، بلکې اړتیا ده چې د امنیتي وضعیت د ښه والي لپاره عملي تګلارې پلې شي.
 په پښتونخوا او بلوچستان کې د امنیتي وضعیت د خرابېدو په اړه اندېښنه څرګنده کړې ده.){kind=link}