راپور: محمد مبین هڅاند
افغانستان نيوز۲۴: ترکمنستان کې د پاکستان سفیر کی کې واګن ته د امریکا د ننوتلو اجازه نه ده ورکړل شوې او هغه بېرته شړل شوی دی.
په یوه نادره او غیر معمولي ډیپلوماټیکه پیښه کې، متحده ایالاتو په ترکمنستان کې د پاکستان سفیر ته د ننوتلو اجازه ورنه کړه او هغه یې له لاس انجلس څخه واپس ډيپورټ او شړلی دی، ډیپلوماټیکو سرچینو دا پېښه يو شمېر رسنيو ته تایید کړې ده.
“سفیر کی کې واګن له امریکا څخه وشړل شو. هغه د کډوالۍ اعتراض درلود چې د هغه د شړلو لامل شو،” د بهرنیو چارو وزارت یوه لوړ پوړي چارواکي د دوشنبې په ورځ «دی نیوز» ته تایید کړه. سرچینو وویل چې سفیر واګن، چې د امریکا د اعتبار وړ ویزه او ټول اړین سفري اسناد لرل، د راپورونو له مخې د شخصي لیدنې لپاره لاس انجلس ته سفر کاوه کله چې هغه د رسیدو پر مهال د امریکا د کډوالۍ چارواکو لخوا ودرول شو.
چارواکو بیا هغه اړ کړ چې د خپل وروستي سفر څخه راستون شي، دغه کار د پاکستان چارواکي سخت اندېښمن کړي دي.
واګن د پاکستان لپاره تردې دندې وړاندې په څو مهمو دندو کې برخه اخیستې ده، په شمول د کټمنډو په سفارت کې د پاکستان د سفارت دوهم سکرتر، په لاس انجلس کې د پاکستان د قونسلګرۍ کې مرستیال جنرال قونسل، په مسقط، عمان کې د ماموریت مرستیال مشر/مشاور او سفیر، په نیامي، نایجر کې د پاکستان د سفارت سفير، په اسلام آباد کې د بهرنیو پاکستانیانو، قونسلګرۍ چارو، او د بهرنیو چارو وزارت کې د بحران مدیریت واحد رییس. سرچینو زیاته کړه چې د وضعیت جدي والي ته په پام سره، سفیر واګن هم احتمال لري چې بیرته اسلام آباد ته وغوښتل شي ترڅو خپل دریځ تشریح کړي.
د دې پېښې دمخه د پاکستان لوړ پوړو ډیپلوماتیک مشرتابه ته خبر ورکړل شوی و، سرچینو دی نیوز ته ويلي چې د پاکستان بهرنیو چارو وزارت ته د دې موضوع په اړه معلومات ورکړل شوي، پداسې حال کې چې د پاکستان د بهرنیو چارو وزارت په لاس انجلس کې خپل قونسلګرۍ ته لارښوونه کړې چې قضیه وڅیړي.
د دې پېښې د جزیاتو لپاره د سفیر واګن سره د تماس نیولو هڅې ناکامې شوې، ځکه چې هغه تلیفونونو یا پیغامونو ته ځواب نه دی ورکړی. په ورته ډول، د پاکستان د بهرنیو چارو وزارت په دې اړه د رسمي بیان له خپرولو څخه ډډه کړې ده.
