افغانستان نیوز۲۴: د تېرې یوې شپېورځې په ترڅ کې، ۱۶۷۲ افغانې کورنۍ له ایران څخه افغانستان ته راستانه شوي دي.
د خپرو شوو معلوماتو له مخې، ۳۴۸ کورنۍ د نیمروز ولایت له پل ابریشم سرحدي دروازې، او ۱۳۲۴ نورې کورنۍ د هرات ولایت له اسلامقلعه بندر څخه هېواد ته داخلې شوې دي.
راپورونه څرګندوي چې په وروستیو اونیو کې له ایران څخه د افغان کډوالو د ایستلو بهیر چټک شوی او هره ورځ لسګونه کورنۍ په زوره بېرته افغانستان ته استول کېږي.
په ورته مهال، نړیوالو د بشري حقونو بنسټونو د افغان کډوالو سره د ایران د چارواکو د چلند په اړه ژوره اندېښنه څرګنده کړې او دا کار یې د نړیوالو اصولو او موازینو خلاف بللی دی.
د کډوالو دا پراخ بېرته ستنیدو بهیر په داسې حال کې دوام لري چې ډېری راستانه شوې کورنۍ له سختو اقتصادي ستونزو، د بنسټیزو خدمتونو له نشتوالي او د سرپناه له کمښت سره مخ دي.
