افغانستان نیوز۲۴: یونیسف اعلان کړی چې اروپايي اتحادیې د افغان ماشومانو د ملاتړ لپاره، په ځانګړي ډول د هغو ماشومانو لپاره چې له ګاونډیو هېوادونو راستانه کېږي، ۱۰ میلیونه یورو مرسته کړې ده.
دغه مرسته د «خوځنده افغان ماشومان» د پروګرام په چوکاټ کې لګول کېږي ترڅو له کورنیو بېل شویو ماشومانو ته عاجل پاملرنه او د هغوی د اوږدمهاله ادغام لپاره اسانتیاوې برابرې شي.
یونیسف ویلي چې په راتلونکو درې کلونو کې به نږدې ۱۸۰ زرو ماشومانو او کورنیو ته خدمات وړاندې کړي.
د دې ادارې په وینا، د اروپايي اتحادیې ټولې مرستې له ۲۰۱۸ کال راهیسې تر دې دمه ۳۸ میلیونه یورو ته رسېدلي دي.
