افغانستان نيوز۲۴: طد پاکستان پخواني لومړي وزير او د پاکستان د تحريک انصاف ګوند مشر عمران خان چې دا وخت په زندان کې دی، د پاکستان پوځ مشر عاصم منير يو لوی ظالم او رواني ناروغ بللی دی.
عمران خان يادونه کړې چې پاکستان دا وخت هيڅ قانون نه لري او د عاصم منير په خوښه اداره کېږي، نه د کوم قانون له مخې. «د هغه په وخت کې د ظلم اندازه بې سارې ده – د هغه په وخت کې، ښځو ته پام نه کېږي، او نه هم پر ماشومانو او بوډاګانو رحم کوي- عاصم منیر د خپلې چوکۍ ساتلو لپاره هر ته کوي.»
عمران خان زياته کړې « اوس مهال، یوازې یو کس، عاصم منیر، په هېواد کې واکمن دی – چې له امله یې د اخلاقو جنازه له پاکستان وتلې ده».
خان د خپلو خبرو په دوام ويلي د عاصم منیر په وخت کې د ښځو سره د ظلم اندازه بې سارې ده او په بې وسلې کسانو ډزې کول يې هم تر ټولو لوی ظلم او خيانت دی.
