افغانستان نيوز۲۴: د پاکستان د بهرنیو چارو پخواني وزیر او پیپلز ګوند مشر بلاول بوټو زرداري د هند لهخوا د سیند د اوبو تړون د لغوه کولو پر ضد توند غبرګون ښودلی او په ټینګار سره یې ویلي، چې د سند اوبه د پاکستان حق دی او هېڅکله ترې نه تېرېږي.
بلاول د هند د لومړي وزیر نریندرا مودي هغه ادعا رد کړه، چې ګواکې هند د سند د زرګونو کلونو د تمدن وارث دی
نوموړي هند ته توند خبرداری ورکړی او ويلي یې دي:«د سند اوبه د پاکستان حق دی، یا به همدا اوبه او یا به ستاسې وینه په دې سیند کې بهېږي».
بلاول دغه راز زیاته کړه، چې د پاکستان ولس او نړۍواله ټولنه به د هند د جنګي استفزازونو او د سیند د اوبو د مسیر د بدلولو هڅې ونه زغمي.
