افغانستان نيوز۲۴: د هرات ولایت ځايي مسولين وايي چې د تېرو ۲۴ ساعتونو کې څه باندې ۳۱زره افغانان له ایران څخه بېرته خپل هېواد ته راستانه شوي دي.
د کډوالو په چارو کې د اطلاعاتو او عامه پوهاوي کمېسیون مسولين همدا ډول يادونه کړې چې د هرات اسلامکلا بندر له لارې تېرو ۲۴ ساعتونو کې له ایران څخه ۳۱زره او ۳۰۳ افغانان بېرته راستانه شوي دي.
د هرات ولايت مقام رسنیو ته په لیږل شوې خبرپاڼه کې ويلي، چې ښتېره ورځ هم د معمول له مخې، له ۳۱ زرو زیات مهاجرین د اسلامقلعه له لارې هرات ته داخل شوي، او له هغوی سره د اسلامي امارت لهخوا له ۲۹ میلیونو افغانیو زیاته نغده مرسته شوې ده
د ایران او اسراییلو ترمنځ له جګړې راپدېخوا له ایران څخه افغانستان ته د افغانان د بېرته ستنېدو بهیر چټک شوی او په اوسط ډول هره ورځ له یاد هېواد څخه ۳۰زره افغانان هېواد ته راستنېږي.
